GCE_Libro_I

GCE_Libro_I

Javascript seems to be turned off, or there was a communication error. Turn on Javascript for more display options.
ESTA ES LA GRANT ET UERdadera ystoria de espanya segunt se troba en las ystorias de claudio tholomeo, & segunt se troba en los vij libros dela general ystoria que el rey don alfonso de castiella que fue esleydo emperador de roma , compilo, el qual fizo çercar muchas ystorias & muchas scripturas de las cosas antigas que hauian passado en el mundo enlos tiempos passados speçialment en Espanya, por saber uerdat de todos los fechos de Espanya como eran passados. Et segunt se troba en las ystorias de Ercules & de yspan & de Pirrus. Et segunt se troba en las tres decas de tituliuio. el qual abreuio los libros annuales de Roma. por que cascun anyo se fazie un libro que se clamaua annual, & fazien lo quatro hombres notables de Roma. los quales eran ordenados a escreuir lo que se fazie en los quatro imperios del mundo. es. a saber en el imperio de orient que fue primero en tiempo de ninus & de Çirus & de nabuchodonosor & xerses & de dario & de Antiochus & de los otros grandes reyes de Orient. El segundo imperio fue el de transmuntana. es. a saber el delos griegos en tiempo de Ercules & de filippo & de maçedonia & de Alexandre & de Pirro rey delos pirrotes, & de muchos otros grandes reyes de greçia. el terçero fue el meridiano. es a saber el africano en tiempo de cola Rey de libia, & de asdrubal el uieio & de Amilcar el uieio, & de. anon & de amilcar el iouen padre del grant Anibal & de Asdrubal hermano de Anibal. & de. Asdrubal, fijo de Giscon & del Rey iuba de libia & de los otros reyes de africa. El quarto fue el imperio de ponent. es a saber de Roma en tiempo de Romus que poblo Roma. Et del grant Çipion africano & de Çipion inhumantino & del grant Silla & del grant pompeo & de iulio çesar que fue el primer tiranno en el imperio. Et de Octauiano qui fue el primer emperador que senyoreo el mundo & de todos los otros emperadores qui apres del uinieron. Et ya sea que esti fues el çaguer imperio. pero esti fue el mayor & los senyoreo todos. Et en el tiempo de tituliuio era grant multitut de libros annuales delos tiempos passados, & por que eran confusion del entendimiento de los hombres que ningun hombre no era sufiçient a leyer todos los libros ni a reçebir enla memoria la sustançia de aquellos abreuiolos tanto que. de .Dccos. & tantos libros que eran abreuiolos en .C.xxxa.viij. libros, & departio los. de .x. en .x. libros & clamo los decas, que es uocable griego. & en aquellas decas se troban grandes fechos de espanya. & segunt se troba en lelio marçio, que escriuio la guerra de amilcar & de anibal & delos Asdrubales & delos Çipiones, & segunt se troba en la ystoria que Lelio Enio escriuio del dicho anibal del passatge delas alpas & segunt claudio que scriuio la guerra de uariate. & segunt dize Paulo Orosio. & edropus, que scriuieron la guerra de luçena. que depues huuo nombre inhumançia. & agora es dicha çamora. & de diuersos consules de roma. Et del .iijo. Çipion que huuo nombre inhumantino & en salustio enel libro gigurtino. & segunt se troba en las ystorias que fizo plucarco dela guerra seliana & mauriana, & segunt se troba enla ystoria que fizo luchan de pompeo & de iulio çesar & de petreus & de auferanus. Et segunt se troba en ualerio ançiano actor africano, & en silenus, actor griego, que escriuieron la preson de Cartagenia la nueua. Los quales scriuieron en diuersas ystorias delos fechos que se fizieron en espanya asi por consules como por emperadores & escriuieron delas cosas que fizieron los godos, uidegodos & ystregodos, alanos, sueuos, silingos, euandalos en diuersas partidas del mundo. Et segunt se troba en otras muchas ystorias de Roma. et segunt se troba en el çaguer libro de iustino. Et segunt se troba en el libro de isidoro mayor, que compilaron el dicho sant ysydoro mayor, arçeuispe de seuilla & sant alifonso, arçeuispe de toledo, & sant eleandro arçeuispe de seuilla, & sant supplicio arceuispe . de compostella. & sant ysydoro menor & don luchas de thoyr. Et segunt se troba en el libro del arceuispe don Rodrigo, que fue çaguero en escreuir las ystorias Los quales arçeuispes & don luchas escriueron la poblaçion de espanya, es a saber de tubal el. .vo. fillo de iafet, que fue menor delos fijos de noe. & de su generaçion, & escriuieron el nasçimiento delos godos & delos uidegodos & de los ystregodos. Las quales gentes ya sea que fuessen todos de una ysla & de una generaçion. empero huuieron asi diuersos nombres por que los que eran de medio dela ysla fueron clamados godos, & los de la part del sol ixient uidegodos, & los dela part de sol ponent ystregodos, & de los alanos, & de los euandalos & de los silingos, & de los sueuos & de los hunnos, & de los maruguines & que gentes fueron, & de do uinieron, & que cosas fizieron por el mundo, & que fin fizieron. Estas fueron companyas de las yslas frias. es a saber de scançia & de gotica, & de las otras yslas que son apres de siçia, & de soeçia & de alamanya & de aquellas partidas. & fueron ocho companyas, & cada companya hauie un rey, & quando murie aquel esleyenne uno dela companya a qui no uinie el regno por sucçesion sino por elecçion. Et semblantment scriuio el arçeuispe don Rodrigo dela uenida delos moros de africa en espanya, & dela reparacion de espanya que fizieron los xpistianos que escaparon dela cruel persecuçion & se saluaron enlas montanyas de aragon, & de nauarra, & de, alaua de castiella uieia & de ypuçcua, & de uiçcaya & de encartaçiones & enlas esturias, & enla galliçia, & en partida de portogal. Et semblantment scriuieron los abbades de sant iohan de la penya los fechos delos reyes de nauarra, & delos comtes de aragon. es. a saber del rey Remiro fijo del rey don sancho el mayor rey de nauarra. El qual rey Remiro fue el primero rey de Aragon. Et semblantment scriuieron trogo pompeo & plutarco ystorial griego, las guerras & los marauellosos fechos darmas que fueron entre los partos & diuersos consules & emperadores de Roma, & segunt paresçe por la cronica delos Emperadores. La qual compilo maestre iohan, mansionario dela yglesia mayor de uerona. Los quales partos fueron departidos, & se separaron dela gent & generaçion delos godos, segunt parecera auant por lur ystoria. Et semblantment escriuieron dion qui fue grant ystorial griego & tituliuio, & otros muchos actores delos grandes fechos delos espartanos de esparta, la qual çiudat depues fue clamada Laçedemonia. & era sitiada en el prinçipado de la morea, & el pueblo fueron clamados laçedemonios, los quales fueron dela generaçion delos godos. Et apres grant tiempo que sallieron los godos delas yslas sobredichas sallieron los guinillos dela ysla de escandinauia. los quales depues fueron clamados longobardos. Et senyorearon en ytalia por .iiijo. anyos dius .xxxa.j. rey que huuieron segunt escriuio paulo diachono Cardenal, qui fue de la gent & generaçion de aquellos & puso lures fechos en ystorias. Et apres se siguira en aquesta present cronica la sumaria annotaçion de los tiempos del imperio Romano, es a saber quantos anyos & dius quantos emperadores duro el imperio en Roma, & quantos en Constantinoble, & quantos en françia, & apres quantos en ytalia, & finalment quantos en alamanya, & quantas mutaçiones son estadas del imperio de generacion a generaçion recontando los grandes fechos quela generaçion delos carlos, & la sucçession de aquellos fizieron en espanya segunt paresçra por lures ystorias, las quales se siguiran en la segunda partida dela present cronica de Espanya a los quales peruino el imperio Romano quando desfalleçio a los griegos segunt paresçe auant por la ystoria delos carlos defrançia la qual escriuieron. los ystoriales signientes. son a saber turpino, arçeuispe de rems. Banico, uispo de sutre. Maestre guillem de auserre. Vincent de Beluais. hugo de floriach. & fue sacada de otras muchas autenticas escripturas, & cronicas, segunt lo affirma el dicho maestre iohan de uerona en la Cronica de los Emperadores delas gentes que poblaron espanya & de que generaçion fueron ni de qual parte uinieron, & qui fue el primero rey de spanya Pues que hauemos faulado de qui escriuio las ystorias faulemos que poblaciones son estadas en Espanya ni de que gentes ni que cosas se son seguidas segunt se troba por todos los actores la generacion de tubal .v. fijo de iaphet apres la diuision delos lenguages que nuestro senyor departio en .lxxaij. lenguages quando nembrot les fazie obrar la torre de babel. pora puyar al çielo. & uinieron en ytalia, & aqui se departieron en dos partes. la una aturo en ytalya. & habito ytalya. & la otra fue en espanya , & habito espanya. Et la razon por que se departieron las gentes de Tubal las unas delas otras fue aquesta. que de falleo & sus parientes & sus amigos, & las gentes que tenian su uoluntat no pudieron sofrir la dura. E aspra senyoria de mistret. qui era princep & senyor subirano de todas las gentes de la generaçion delos fijos de tubal. Asin que mistret conlas gentes que tuuieron su uoluntat aturaron en ytalya & habitaron aquella. & defalleo con las gentes que tuuieron su uoluntat fue en espanya & habito en espanya. & fue el Primero Rey & senyor de espanya. & de aquel adelant no se faze mençion en las ystorias de ningun otro Rey entro a gerion, que fue Rey & princep de tres regnos es a saber de lusitania, de gallicia & de betica. & poblaron primerament en espanya, & po blaron en çeltiberia & en partida de carpentania & en partida de betica. Celtiberia es dicha entre ebro & las partidas de gallia, assy como parten los montes perineos, toda cathalunya & partida de aragon, & partida de nauarra es asaber la prouincia de cantabria & partida de. Castiella la uieia. Es uerdat quela partida de celtiberia enta la mar ocçeana & partida de la cuenqua de pamplona. & toda la tierra delos uascos & toda ypuzcua, & alaua, & uizcaya, & toda la partida de carpentania de Burgos enta la mar ocçeana & partida de lusitania & partida de betica, toda era deshabitada entro al tiempo que uinieron los appellinos que uinieron de Egipto. de los appellinos de qual tierra partieron primerament, & por qual suspiçion fueron echados de egipto. Aquestos appellinos uinieron primerament de sichia la saluage en egipto eran tres pueblos el un pueblo eran los egiptianos los quales eran naturales dela tierra. El segundo pueblo eran los ebreos que eran lauradores, & menestrales de officios mecanicos que era pueblo estranyo, & uinieron en el tiempo de iosep el qual fizo uenir su padre iacob con todos sus fijos, & con toda su generacion los quales fincaron en egipto, entro al tiempo de moyses. en aquel tiempo multiplicaron en grant multitud de pueblo. El tercero pueblo fueron los appellinos. los quales eran pastores, egentes que habundauan en muchos ganados, o bestiares. E quando moyses por mandamiento de dios saco el pueblo delos ebreos de egipto, & passo los por la mar Roya, & el Rey pharaon & partida de su gent que perseguien los ebreos murieron en la mar roya los egiptianos que fincaron eran pocos & uidieron que el pueblo delos appellinos los quales eran pastores. & eran grant multitud de pueblo, & dubdaronse que se leuantasen contra ellos, & que se alçassen con el regno. & que echasen los egipcianos del regno. & que los appellinos se feziessen senyores de egipto asy que acordaron los egiptianos que fiziessen mandamiento alos appellinos que salliessen dela tie rra. & queles desenbargassen el Regno, & que sen fuessen a otra tierra abeuir. Como los appellinos acordaron de yr a abitar espanya & quanto tiempo pusieron, & dela manera que tuuieron enel passatge, & apres como lexado el nombre que antiguament hauien fueron clamados yberos. Los appellinos, oydo el mandamiento que les era fecho por los egipcianos aplegaron se todos en semble con lures ganados. & lures bienes & trobaron se en grant multitud de pueblo. & huyendo que espanya enla mayor partida era desabitada. & que era tierra de grandes pastos de yerbas. & que auie muchas aguas. & que la una partida era tierra calient. & la otra fria. assy que acordaron de yr abitar en espanya. & estuuieron en yr de egipto entro a espanya. xiiij. anyos & fueron por la costera dela mar africana. & leuauan uaxiellos de un fust cauados en medio en manera de barcas que son dichos en uocable griego monoxilos que quiere tanto dezir como un solo fust. & tirauan los con cuerdas. & quando fazie fortuna enla mar saccauan los en tierra. & quando fueron plegados al estrecho de gibraltar enla partida de çepta trobaron gentes de mar que se acordaron con ellos. & dieron les la .iiija. part de lures bienes. & passaron los en espanya. estendieron se por la tierra. habitando entro a que fueron a la fuent de ebro. & aqui habitaron la mayor partida, & fizieron cabo de si mismos enla dicha fuent, & como primerament se clamassent appellinos de aquella ora adelant. se clamaron yberos por la habitaçion dela fuent de ebro. & aun oy do son aquellas gentes enla ysla de yrlanda la ysla ha por su proprio nombre antigo. yrlanda. & las gentes. & el pueblo quey habitan han nombre yberos o yberneses. & algunos claman ala ysla. yrlanda. o ybernia por el nombre del pueblo. & de las gentes que y habitan. Como los appellinos sallieron de espanya por temor de ercules huyendo sus grandes crueldades & en qual part fueron a abitar. Estos appellinos aturaron en espanya entro al tiempo que uino ercules el grant en espanya. el qual quando partio de grecia, & passo por asia, & por africa. & las gentes huyeron dezir las grandes guerras, & batallas & las grandes crueldades que fazia & como auie muerto antheo el grant gigant de africa. & por miedo del. no lo osaron esperar en espanya. Et acordaron se todos ensemble que con lures ganados, & con lures bienes sende fuessen por la costera dela mar ocçeana. & fueron entro a el estrecho que es entre Picardia & ynglatierra. & aqui huuieron nauilios. & passaron en inglatierra la qual auie nombre Belne. & pusieron le albion. & habitaron la ysla de escoçia, que era desabitada. & pusieron le nombre alba. & en estas dos yslas habitaron grant tiempo. Pero en algunas ystorias se troba que antes quelos iberos uiniessen enla ysla de Belne, ya y auia ouido poblacion de gentes. los quales eran estados delas partidas de pito delas prouinçias de gallia que agora es dicha françia sobre los quales auien senyoreado quatro reyes cascuno escorriendo su tiempo uno apres de otro. El primero. Rey fue nombrado estoreth. El segundo huuo nombre ballinera. El tercero huuo nombre Obliulas. El quarto huuo nombre gedan, & aquesti regno, entro al tiempo, que uino bruto fijo del Rey siluo dalua lengua. nieto de eneas. el qual bruto mato asu padre el Rey siluo, por caso de fortuna, por que lo firio de una sayeta enel mont asy como caçaua, cuydando ferir a un çieruo. Et por aquesta razon el pueblo nolo quiso por rey. ni por senyor. cuydando quel lo huuiesse muerto de scierta sciencia por esperança de heredar el Regno. Mas agora dexa aqui la ystoria de faular de los appellinos. & de aquesti bruto de suso dicho la ystoria del qual se seguira auant. & comiença la ystoria de ercules el grant fijo de iupiter & de almena.

Download XML • Download text • Word Cloud